1. 2.




( ၀တ္တုတိုအသစ်မရေးဖြစ်သေးတာနဲ့ ပဲ ရှားရှားပါးပါးပြန်ရှာတွေ့ တဲ့  ၁၉၉၂ တုန်းကရေးခဲ့တဲ့ ၀တ္တုတိုလေးတပုဒ် ပြန်တင်ဖြစ်ပါတယ်။)

(က)

ဒီနေ့ မနက် အိပ်ရာအထမှာ ညီမတစ်ယောက် ဘာအိပ်မက် အကြောင်းများ ပြော လာဦးမည်လဲဟု မြ၀ါးရုံက စိတ်ဝင်စားစွာ၊ ပြီးတော့ ရယ်ချင်စွာ တွေးနေမိသည်။ တကယ် တမ်းကျတော့ ညီမအိပ်မက်အကြောင်းတွေ ပြောလာတုိုင်း မရယ်ရက်တော့တာ တော်ကြာ နေခဲ့ပြီပဲ။ ညီမအိပ်မက်အကြောင်း မြိန်ရေရှက်ရေ ပြောနေ သည့်အချိန်မှာ ပေါ်လာတတ်သော ရယ်ချင်စိတ်တွေက သနားကရုဏာအဖြစ် အသွင်ပြောင်းလဲ၍ ထုထည် ခဲဖွဲ့ ကြီးထွားခဲ့ရသည်။ ‘ညီမ’ကုို အလျင်အမြန်ပြောရင်း ‘ညကလေ’  ‘ညပြောပြမယ်သိလား’ ဟူ၍ ဖြစ်သွား တတ်သော ညီမ၏ ညအိပ်မက်တွေအကြောင်း နားထောင်ဖို့ အတွက် ညီမကုို စူးစုးကြည့်ရင်း “ကဲပါညရယ် ညရဲ့တစ်ထောင့်တစ်ည အိပ်မက်ပုံပြင်တွေကုို ရပ်တန်းက ရပ်ပါတော့“ ဟု ရယ်ကာမောကာ ပင် မပြောဖြစ် တော့ပါ။ မနက်မိုးလင်းပြီးဆုိုလျှင် မျက်နှာသစ်ရင်း ထမင်းဟင်းချက်ရင်း၊ ရေချိုး ရင်းနှင့် ညီမပြန်ပြောပြမည့် ညက အိပ်မက်အကြောင်း နားထောင်ဖုို့ ပင် စိတ်စောနေတတ်ပြီ။ 
ညီမသည် အလွန်ထူးဆန်းသော မိန်းမငယ်ဖြစ်၏။ ညီမက ငါးမိနစ်ခန့် အိပ်ပျော်သွား လျှင် ထုိုငါးမိနစ် အတွင်း အိပ်မက်ကုိုမက်ဖြစ်အောင်မက်လုိုက်တတ်သူ ဖြစ်၏။ ညဘက်အိပ် ပြီဆုိုလျှင်လည်း တစ်ညကို ခြောက်နာရီအိပ်လျှင် ညီမပြန်ပြောတတ်သည့် အိပ်မက်တွေက ခြောက်နာရီစာလောက် ကြာနေတတ် ပြန်သည်။ ညီမအိပ်မက်တွေက အစီစဉ်တကျ ဇာတ် လမ်းဇာတ်ကွက် အဆင်ပြေပြေတော့ မရှိဘူးပေါ့။ ဟုိုရောက်၊ သည်ရောက်၊ ဘာမှမဆုိုင်သည့် မြင်ကွင်းတွေ၊ လူတွေ၊ စကားသံတွေပဲဖြစ်သည်။ တစ်ခါတစ်ရံ မှာတော့ ဆက်စပ်တွေးယူလျှင် အစီအစဉ်တကျလုိုလုို ဖြစ်နေတတ်သော အိပ်မက်ရှည်ကြီးတွေ ပါနေတတ် သေးသည်။ သည် လုိုအိပ်မက်ရှည်ကြီးတွေ မက်သည့်ည၏ မနက်ပုိုင်းဆုိုလျှင် ညီမမှာ အိပ်မက်အကြောင်း ပြောပြလုိုဇောနှင့် တက်ကြွနေတတ်သည်။
 
သည်နေ့မနက်တော့ ညီမငြိမ်ချက်သား ကောင်းနေသည်။ အိပ်ရာထ၊ မျက်နှာအတူတူ သစ်ကြတော့လည်း ငြိမ်ငြိမ်သက်သက်။ ထမင်းအိုးတည်ဖုို့ တစ်ယောက်က မီးမွှေး၊ တစ် ယောက်က ဆန်ဆေး နေချိန်မှာလည်း စကားမစ။ ရေအတူချိုးကြတော့လည်း မသိလုိုက် မသိ ဖာသာ။ ကျောင်းကလေးမှာ မနက်ပုိုင်း စာသင်ချိန် ကုန်သွားပြီး နေ့ခင်းအားလပ်ချိန် ရောက် တော့လည်း တပည့်လေးတွေကြားမှာ စကားများ အလုပ်ရှုပ်ရင်း မပြောဖြစ်ပေ။ သည်လုို ငြိမ်ချက်သား ကောင်းနေပြန်တော့ ပြောကုို ပြောစရာရှိပြီး ပြောပြခြင်း မခံရသေး သော သူတုို့  ၏ ထုံးစံအတုိုင်း အသည်းတယားယားနှင့် မေးချင်လာသည်။ တကယ်တမ်းညီမတစ်ယောက်  အိပ်မက်အကြောင်း ပြောလာသည့် အချိန်ကတော့ ညနေကျောင်းဆင်းအပြီးမှာ ဖြစ်သည်။ ခြေတံရှည် ကျောင်း ကလေးပေါ်မှ ဆင်းပြီး ကျောင်း ဝင်း၏ ညာဘက်ထောင့် ခြံစပ်မှာရှိသည့် ဆရာမများအတွက် ဆောက်ထားပေးသောဝါးအိမ်ကလေးဆီသို့  ခြေသလုံးဝက်ခန့် နက်သည့် ရေပြင်ကုို ထမီတစ်ဝက်မရင်း၊ ကြိမ်ဆွဲခြင်း ကလေးကုို တစ်ဖက်ကဆွဲရင်း၊ ရေပြင်ကုို ဒရွတ်တုိုက် လှမ်းဖြတ်ရင်း သွားနေသော ညီမ၏ ကျောပြင် ကုိုကြည့်ပြီး အိပ်မက်အကြောင်း တွေးနေမိလေသည်။
 
ဝါးထရံနှင့်လုပ်ထားသော တစ်ဖက်တပ် တံခါးရွက်နှင့် ၀ါးတုိုင်တစ်တိုင်မှာ ကပ်ချည် ထားသော သံကြိုး ကလေးထဲမှ သော့သေးသေးကလေးကုိုဖွင့်တာလည်း ညီမပဲဖြစ်သည်။ တကျွိကျွိမြည်နေသော ၀ါးကြမ်းခင်း တွေကုို ဖွဖွလှမ်းလျှောက်ရင်း ကျောင်းဝတ်စုံ အဖြူ အစိမ်းကုို လဲပြီးခါနီးအချိန်မှာ ညီမ စကားစသည်။
“ညက အိပ်မက်အကြောင်း မမမြ၀ါးရုံကုို ပြောပြရဦးမယ်”  
“လုပ်စမ်းပါဦး”
ညီမက အ၀တ်အစားလဲပြီးပြီးချင်း ၀ါးကြမ်းပေါ်မှ အဆင်သင့် ခင်းထားသည့် သင်ဖြူး ဖျာအိပ်ရာပေါ်မှာ ခြေပစ်လက်ပစ်လှဲချလုိုက်သည်။ မနက်စာ ညစာ ထမင်းနှင့်ဟင်းကုို မနက် ကတည်းက ချက်ထားပြီးသားမို့  စိတ်အေးလက်အေး အနားယူနိုင်သည့် သည်အချိန်ကုို ညီမ တမင်ရွေးထားမှန်း သဘောပေါက်လုိုက်မှ ညီမ အိပ်မက်ကတော့ မက်ရိုးမက်စဉ်ထက် ဆန်းပြန်ပြီလားဟု ကမန်းကတန်း စဉ်းစားမိသည်။
“ညက အိပ်မက်ထဲမှာလေ ညီမ ပန်းလေးတစ်ပွင့်ကုို တွေ.တယ်၊ ပန်းပွင့်မဟုတ် ပါဘူးလေ၊ ပန်းဖူးကလေးပါ၊ ပန်းဖူးအဖြူလေး၊ သိလား မမမြ၀ါးရုံ”
“ပန်းဖူးအဖြူကလေး”
ညီမစကားကုို သံယောင်လုိုက်မိတော့ ညီမက လက်မောင်းပေါ်တွင် အုံးထားသည့် ခေါင်းကုို ဆတ်ခနဲ ညိတ်ပြသည်။
“ဟုတ်တယ်၊ အဲဒီပန်းဖူးကလေးရဲ့ ရိုးတံတွေမှာ ဆူးတွေလည်း ရှိတယ်၊ အရွက် ကလေးလည်း စိမ်းပြီး ဖားဖားကုိုဝေနေတာပဲ၊ ပွင့်ဖို့ ပဲ လုိုတော့တာ၊ အိပ်မက်ထဲမှာမို့ လို့ လား မသိဘူး၊ ပန်းဖူးကလေးရှိတဲ့ နေရာမှာ နေရောင်မရပဲ အုံ့အုံ့မှုိုင်းမှိုင်းကြီး ဖြစ်နေတယ်”
ပြောရင်းနှင့် ညီမက အားမလုိုအားမရ ဖြစ်လာကာ လှဲနေရာမှ ထထိုင်သည်။ တင်ပျဉ်ခွေပေါ်မှာ ခေါင်းအုံးတင်ပြီး ခေါင်းအုံးပေါ်ကို တစ်တောင်နှစ်ဖက် အားရပါးရ ထောက်၏။
“အဲဒီပန်းကလေးက ညီမကုို စကားပြောတယ်”
“ဟင်”
အလန့် တကြား အာမေဍိတ်သံကုို ကြားတော့ ညီမက အားရပါးရ ရယ်သည်။
“တစ်ထောင့်တစ်ညပုံပြင်လုို့ ပြောဦးမလို့ လား၊ ညီမ တကယ်ပြောနေတာ မမမြ၀ါးရုံရဲ့၊ ပန်းဖူးကလေးက ပြောတယ်၊ ကျွန်မ ပန်းတစ်ပွင့်အဖြစ် ပွင့်ချင်ပြီတဲ့”
 ညီမက စကားကုို တုံးတိတိရပ်သည်။
“ဆက်ပြောလေ ညီမ၊ ပြီးတော့ ဘာဖြစ်လဲ”
“ဒါပဲ၊ အိပ်မက်က အဲဒီမှာတင် လန့် နိုးသွားတာ၊ ညီမလေ.. ပန်းဖူးကလေးကို ဘာပြောရမှန်းလည်း မသိလုိုက်ဘူး၊ ဘာမှလည်း မပြောဖြစ်လုိုက်ဘူး၊ အိပ်မက်ကလန့် နိုးတော့မှ စိတ်မကောင်းဖြစ်နေရတယ်”
ညီမကုို စိုးရိမ်တကြီးနှင့် ကြည့်မိသည်။ ဒါဟာ တကယ်ပဲလား။  အိပ်မက်ဆုိုတာမျိုးကသက်သေပြခိုင်းလုို့  ရတာမဟုတ်တော့လည်း အခက်သားပင်။ ညီမကတော့ တကယ့်ကုို ထိခိုက်တ, သနေသောဟန်ဖြင့် မက်ခဲ့ပြီးသော အိပ်မက်ကုို လုိုက်လံဖမ်းဆုပ်၍ ငေးမောနေသည်။

ဘာပဲဖြစ်ဖြစ် ညီမကုို တစ်နည်းတစ်ဖုံတော့ ပြုပြင်ပေးရတော့မည်။ ဘယ့်နှယ်… အိပ်မက်တွေ တသီတတန်း ကြီး မက်ပြီးတော့ အိပ်မက်ကုိုပဲ စိတ်မကောင်း ဖြစ်နေသတဲ့၊ ညီမအတွက် စိုးရိမ်တွေးက ညီမစကား ကြောင့် အလန့် တကြား ရပ်တန့် ရ၏။
“ဒီညတော့ အိပ်မက်ထဲမှာ ပန်းကလေးပွင့်လာမလားမသိဘူး”

                                    (ခ)

အိပ်ရာကနိုးပြီဟု အသိဝင်ဝင်ချင်းမှာပဲ ဆယ်ပေကျော်ရုံပတ်လည်ဝါးအိမ်ကလေးနှင့် ဆက်လျက်နောက်ဖေး ချောင်ပုပုလေးဆီမှ ညီမ၏ ဆန်ဆေးသံကုို ကြားရသည်။နို့ ဆီဘူးနှစ်လုံးစာ ဆန်ကလေးကုို ဆေးနေတာမို့  ဆန်ဆေးသံက စည်စည်ဝေေ၀ မရှိပဲ တဖြောက်ဖြောက်ဖြစ်နေသည်။ ဆန်ဆေးရေကုို သွန်ချတော့ အိမ် ကလေးအောက်မှာ ရေတွေအပြည့် လွှမ်းနေတာမို့  ရေသံ ဗလုံဗလုံကုို ကြားရသည်။ညီမအစောကြီးအိပ်ရာ နိုးနေတာပဲ။ ထမင်းအုိုးတည်ပြီး သွားလျှင် ညီမကနို့ ဆီဘူးနှစ်လုံးစာ ထမင်းကို တစ်ဝက်တိတိ ခွဲလိမ့်မည်။ ကျန်သော တစ်ဝက်ကုို သံပန်းကန်ပြား နှစ်ပန်းကန်ထဲ အညီအမျှ ခွဲဝေပြီးသား ဖြစ်နေလိမ့်မည်။ သည်အပြု အမူကိုမြင်စက အလန့် တကြား ပြောခဲ့မိဖူးတာ သတိရသည်။
“ဟင်… ထမင်းကို ခွဲတမ်းနဲ့  စားရမှာလား ညီမရဲ့၊ ကြည့်လည်းလုပ်ပါဦး၊ စားကောင်းခြင်းမစားရဆုိုသလုို ဖြစ်နေပါရောလား”
အားရပါးရရယ်လိမ့်မည်ဟု ထင်ထားပေမယ့် ညီမက မရယ်ပါ။ မျက်သားဖြူဖြူကလေးတွေပေါ်အောင် မျက်လုံးပင့်မော့ကြည့်ရင်း အသံချိုချိုနှင့် တိုးတုိုးပြောသည်။
“မမ-မ၀ရင် ညနေစာ တစ်ဝက်ခွဲထားတဲ့ အထဲက ယူစားလေ၊ ညီမက မစားနိုင်လို့ ပါ”
နောက်ပုိုင်းမှာတော့ သည်လုို စနစ်တကျခွဲတမ်းချခြင်းမှာ ညီမ မစားနိုင်ခြင်း တစ်ခု တည်းကြောင့်မဟုတ်မှန်း သိလာရသည်။ အင်းလေ မစားနိုင်တာပါပဲ။ ၀မ်းပြည့်သွားလို့  မစားနိုင်တော့တာမျိုး မဟုတ်ပဲ၊ အ၀အပြဲ စားဖုို့ မနိုင်သော ဘ၀တာဝန်တွေကြောင့်ဆုိုတာ ရင်နင့်ဖွယ် သိရှိခဲ့ရလေသည်။
 
ထမင်းကုို စနစ်တကျ ခွဲဝေချက်ပြုတ်စားရခြင်း၏ အကြောင်းတွေကုို ညီမ လေအေး အေးနှင့် ပြောပြသည့် နေ့ က ကျောင်းပိတ်ရက်တစ်နေ့ ဖြစ်သည်။ ထိုနေ့ သည် ကျောင်း ကလေးမှ ဆရာမတွေအတွက် ရွာက ဆောက်ပေးထားသော ၀ါးအိမ်ကလေး၏ တံခါးဝမှာ ညီမနှင့် အတူထိုင်ရင်း စကားဝို်င်းဖွဲ့ ဖြစ်ခဲ့တာဖြစ်သည်။ ကျောင်းကလေး၏ အောက်မှာရော၊ ဆရာမတွေအတွက် ဆောက်ပေးထားသည့် ၀ါးအိမ်လေး၏ အောက်မှာ ရော ရေတွေပြည့်လျှံ ၀ိုင်းနေသည်။ ရွာထဲမှာလည်း ရေတွေ ၀ိုင်းနေတာပါပဲလေ။ ညီမက သည်လုိုဝန်းကျင် အနှံ့ ပြန့်ဝိုင်း နေသည့် မိုးတွင်းမြစ်ရေ ညိုနောက်နောက်တွေကုို ကြည့်ရင်း စကားစခဲ့တာ ဖြစ်သည်။
 
“ဟောဒီ ရေတွေက ဘယ်တော့ကျမလဲ မသိဘူး၊ ညီမတော့ ရေကျမှ အိမ်ပြန်တော့မယ်၊ မမမြ၀ါးရုံရော ဒီလအိမ်မပြန်ဘူးလား”
“လခထုတ်ရင်းနဲ့ ပြန်ကြမယ်လေ၊ ညီမက လခထုတ်ရက်မပြန်ဘူးလား”
ညီမသည် ခေါင်းကုိုခပ်မြန်မြန်ပဲ ခါပြခဲ့သည်။ အိမ်ပြန်ဖုို့ အခွင့်အလမ်းပေါ်တာတောင် မပြန်သည့် ညီမအပေါ် အံ့သြတကြီးနှင့် စကားမစခင်မှာ ညီမအသံကြားရသည်။
“မပြန်တော့ဘူး၊ လစာကုို မမမြ၀ါးရုံပဲ ထုတ်ပြီး အိမ်ကုို ပုို့ ပေးပါ၊ ဒီမှာ ညီမတို့ အတွက် တစ်လစာဝယ်ရမယ့် အသုံးစရိတ်အတွက် ညီမစုိုက်ရမယ့် ငွေတစ်ဝက်ကုိုတော့ မမ နုတ်ယူထားလုိုက်ပေ့ါ”
သည်ရွာက မူလတန်းကျောင်းကလေးမှာ တာဝန်ကျသည့် ဆရာမချင်းအတူတူ ညီမကဘယ်လုိုဖြစ်ရတာလဲ။ ပြီးတော့ လစာထုတ်ရက် ညီမ မလိုက်ဘူးဆုိုလျှင် သည်အိမ်သေးသေးကလေးမှာ ညီမတစ်ယောက်တည်း ကျန်ခဲ့မှာ။
“ညီမကုို စိတ်မပူပါနဲ့၊ ကလေးတွေ ခေါ်အိပ်မှာပေါ့”
ညီမက စုိုးရိမ်တွေးကုိုရိပ်မိစွာ ကာကွယ်စကားပြော၏။
‘ဘာဖြစ်လုို့ မလုိုက်တာလဲ ညီမရယ်’ ဟူသောစကား ဆုံးဆုံးချင်း ညီမက စကားကုို ဖြည်းဖြည်းစပြောသည်။
“လခထုတ်လုိုက်ရင် ပုိုက်ဆံကုန်ဦးမှာ၊ ဒီချောင်းအတွင်းကနေ မြို့ကုိုသွားမယ့် မော်တော်သွားစီးဖို့ သမ္ဗန်ခက ငါးကျပ်၊ မြစ်ဝက မြို့ရောက်တဲ့ အထိ သင်္ဘောခက ရှစ်ကျပ် ဆုိုတော့ ဆယ့်သုံးကျပ်၊ အသွားအပြန်ဆုို နှစ်ဆယ့်ခြောက်ကျပ်၊ မြို့ရောက်ရင် စားမှာ သောက်မှာနဲ့ ၊ ဆုိုက်ကားခဘာညာနဲ့ ဆို အနည်းဆုံး ငါးဆယ် လောက်ကုန်မှာ။ ညီမဒီမှာစားဖို့ တစ်လစာဖယ်ထယးရမှာနဲ့ ဆိုရင် အမေတို့ ကိုပေးဖို့ ဘယ်လောက်မှကျန် တော့ မှာမဟုတ်ဘူး။“
“အိမ်မှာကညီမရဲ့ လစာလေးကိုပဲ မှီခိုစားနေရသလိုမျိုးဖြစ်နေတာလေ။ ဖေဖေ့ပင်စင်လစာ လေးကလည်း ဘာမှဖြစ်လောက်တာမဟုတ်ဘူး၊ အမေ့အိမ်ဆုိုင်ကလေးကလည်းဆုိုင်ဆုိုရုံဖျစ်ဖျစ်မြည်၊ မီးဖုိုချောင်တစ်ခုလုံး ဆုိုင်ထဲက ယူစားရတာဆုိုတော့ ဆုိုင်ရဲ့ငွေက အိမ်သုံး စားစရိတ်ထဲဝင်ပြီး ဆုိုင်တောင် ပြုတ်လုလုဖြစ်နေပြီ၊ မောင်လေးနဲ့ ညီမလေးနဲ့ ကလည်း ကျောင်းသားတွေ။ တစ်အိမ်လုံးစာအတွက် ညီမကုို မှီခုိုနေရတဲ့အချိန်မှာ ညီမက မချွေတာလို့  ဘယ်ဖြစ်မလဲ မမရယ်။လစာထုတ်မလုိုက်ပဲနေရင်ငွေ(၅၀)လောက် အလုိုလုိုသက်သာ သွားမှာ”
 
ညီမစကားဆုံးတော့ သက်ပြင်းတစ်လုံးသာ အလုိုအလျောက်ပွင့်အံထွက်ကျလာတော့သည်။ ဘာပဲဖြစ်ဖြစ် ညီမဟာ မိသားစုအတွက် အားထားရာကျေးဇူးရှင်ပဲ။ ညီမဘ၀က ကျဉ်းမြောင်းကျပ်တည်းပေမယ့် နေချင် စရာတော့ ကောင်းပါသည်။ နေချင်စရာ မကောင်းဘူး ဆုိုရင်လည်း မနေချင်လုို့ မှမရတာလေ။ 

ထမင်းနှစ်လုံးချက်ကုို နှစ်ယောက်စာအတွက် တစ်ဝက်စီ အညီအမျှခွဲ၊ တစ်စိတ်အညီအမျှ စိတ်ပြီးမှ စားတာ တွေ၊ တပည့်လေးတွေ ခူးလာပေးသည့် ပွပွဖောင်းဖောင်း လယ်ကန်စွန်းပင်ကြီးတွေကို နေ့တုိုင်းလုိုကြော်စား ပြီး ဟင်းစားဖိုးချွေတာ တာတွေ၊ စနေ၊ တနင်္ဂနွေရောက်တုိုင်း မြို့ပြန်ဖုို့ အဖော်စပ်သည့်အခါငြင်းဆန်တာတွေ ကုို ပီပီပြင်ပြင် နားလည်ခဲ့ပြီ။
“ညီမရယ် ကြည့်လည်း လုပ်ပါဦး၊ အာဟာရချို.တဲ့ပြီး ရောဂါတွေ ၀င်နေပါဦးမယ်”
ညီမက ပြုံးပြီး ကြည့်နေခဲ့သည်။ ပြီးတော့မှ ‘ရပါတယ်’ တဲ့၊ ညီမ၏ တသီတတန်း အိပ်မက်တွေက ညီမအခြေ အနေနဲ့ များ ဆက်စပ်နေမလားဟု အတွေးလွန်စွာနှင့် ဟုတ်မှန်း မဟုတ်မှန်း မရေရာစွာအတွေးဆန့် မိသည်။ ကျောင်းပိတ်ရက် အိမ်အပြန်မှာ ပုလင်းနှင့် ထည့်ကြော်ယူလာတတ်သော ငါးပိကြော်၊ ငါးခြောက်ကြော်၊ ငံပြာ ရည်ချက်တွေ၊ မြေပဲကြော် တွေ ထည့်ပေးလျှင်လည်း ညီမက ဘယ်တော့မှ အသာတကြည် မစားတတ်သူ လေ။ အာဟာရတွေ ချို့ တဲ့တော့ နှစ်နှစ်ခြိုက်ခြိုက် အိပ်လို့ မပျော်ပဲ တောင်စဉ်ရေမရ အိပ်မက်တွေ လျှောက်မက်နေတာများလား။

“ညီမက ကြွေကျလာတဲ့ သစ်ရွက်ကလေး တစ်ရွက်ကုို လုိုက်ကောက်တာ မမမြ၀ါးရုံရဲ့၊ သစ်ရွက်ကလေးက ချောင်းထဲကျသွားတယ်။ ညီမက သစ်ရွက်ကလေးကုို လုိုချင်ဇောနဲ့ ချောင်းရေရဲ့ အတိမ်အနက်ကုို မတွက်မိပဲ အတင်းဆင်းဖမ်းလုိုက်တော့ ရေထဲကုို ၀ုန်းခနဲကျပြီး ရေအောက်မြုပ်သွားတာ၊ အသက်ရှူတွေ ကျပ်လာပြီး လန့် နိုးတော့ တစ်ကုိုယ်လုံးစောင်တွေနဲ့ လုံးထွေးနေတာပဲ”
ညီမ၏ အိပ်မက်ပေါင်းများစွာထဲက တစ်ခုဖြစ်သည်။ ညီမမြင်ခဲ့သော သစ်ရွက် ကလေးက ဘာသစ်ရွက်လဲ ဆုိုတာ ညီမသိနိုင်လိမ့်မည်လား။

“တောင်ပေါ်တက်နေတဲ့ လမ်းတစ်လျှောက် မီးခုိုးတွေဖုံးနေလိုက်တာ ဘာမှမမြင်ရဘူး၊ တောင်ကြီးကလည်း မတ်စောက်၊ မီးခိုးတွေဖုံးပြီးမမြင်မကန်းဖြစ်နေတော့အလဲလဲအပြိုပြိုနဲ့ ညီမတစ်ကိုယ်လုံးဒဏ်ရာတွေချည်းပဲ၊  ဒါပေမဲ့ ညီမက ဆက်တက်နေတာပဲ၊ လန့် နိုးတော့ မောလုိုက်တာ။ အိပ်မက်ထဲမှာတောင် တောင်ထိပ်နား မရောက်ခဲ့ဘူး”
သည်လုို သည်းထိတ်ရင်ဖုိုတွေလည်း ပါသေးသည်။ ညီမရောက်လိုသောတောင်ထိပ်နှင့် ဘယ်လောက်ဝေး ကွာ သေးသလဲ။ ညီမကုိုယ်တုိုင်ပင် မှတ်သားနိုင်ခဲ့ဟန် မတူပေ။
 
“ညတုန်းက အိပ်မက်ကတော့ ဆန်းတယ် မမရေ၊ ညီမတုို့ မိသားစု က ဘုရားဖူး သွားတာတဲ့။ ပင်လယ်ကြီး ကုိုဖြတ်ပြီးတော့သွားရတာတဲ့။ သွားရတဲ့ယာဉ် ကုိုလည်းကြည့်ဦး၊ ဖောင်နဲ့ သွားတာတဲ့လေ၊ ဖောင်ပေါ်က လူတွေက သက်စွန့်ဆံဖျား အသည်းတထိတ်ထိတ်နဲ့  ပေါ့၊ ဒါပေမဲ့ ဘုရားဆီရောက်ဖုို့ စိတ်ထဲမှာစောပြီး စိတ်အားလည်း ထက်သန်နေကြတယ်၊ တကယ်တမ်း ဘုရားဟာ ရှိကုိုရှိရမှာပဲဆုိုပြီး ဖောင်နဲ့ ဆက်တက်ဖို့  ပြင်တုန်းမှာပဲ လန့် နိုး သွားတာ”

ညီမ၏အိပ်မက်ပုံပြင်တွေကုို ပြောရမည်ဆုိုလျှင်တော့ ဆုံးနိုင်မည်မထင်ပေ။ ညီမကတော့အိပ်မက်အကြောင်း ဆုိုလျှင်မြိန်ရေရှက်ရေ ပြောတတ်သည်။ တစ်ခါတုန်းကတော့ အိပ်မက်အကြောင်းပြောရင်းတစ်စုံ တစ်ခုကို သတိရသွားဟန်နှင့် အိပ်မက်အကြောင်းကုို တိခနဲဖြတ်ရင်း ပြောဖူးသည်။
“ကြည့်စမ်း ညီမအိပ်မက်တွေထဲမှာ ဘယ်တော့မှ အလွယ်တကူ ဖြစ်သွားတာ၊ လုိုတာရသွားတာ မရှိဘူးနော်၊ ခက်ခက်ခဲခဲ တွေကြုံရပြီး ဆန္ဒ မပြည့်ခင် လန့် နိုးသွားတာ ချည်းပဲ၊ ကံကြမ္မာကလေ အိပ်မက်ကုိုတောင် ပျော်ပျော်ရွှင်ရွှင် လွတ်လွတ်လပ်လပ် အနှောင် အဖွဲ.ကင်းကင်းနဲ့ အိပ်မက်မျိုး မက်ခွင့်မပေးဘူး”
သည်လုို ညီမစကား ကြားရတော့လည်း ကရုဏာသက်စွာ ဖြေသိမ့်ရပြန်သည်။
“အိပ်မက်ဆုိုတာ လက်တွေ.မှ မဟုတ်တာပဲ ညီမရယ်၊ သိပ်မစွဲလမ်းပါနဲ့ ။ နေ့ ခင်းဘက်မှာလည်း တစ်နေ ကုန်စာသင်၊ ညကျတော့လည်း တောင်စဉ်မရေရာ အိပ်မက်တွေကြောင့် အိပ်မရနဲ့  တော်တော်ကြာ နေမကောင်းဖြစ်နေဦးမယ်”

ညီမကသက်ပြင်းကုို အလျင်ချသည်။ အိမ်ကလေးအောက်က ရေညိုနောက်နောက်တွေကုို စူးစုိုက်ကြည့်ရင်း လက်ချောင်းတွေကုို တဖြောက်ဖြောက်ချိုးကာ ပြောသည်။
“ညီမက မစွဲလမ်းလည်း အိပ်မက်ကတော့ ဆက်မက်နေဦးမှာပဲ”

                                                         (ဂ)

ညီမတစ်ယောက် အိပ်မက်တွေအကြောင်းမပြောတာ နှစ်ရက်သုံးရက်ရှိပြီ။ ကလေး တွေကိုသင်္ချာတွက်ခိုင်း ထားသည့်အချိန်မျိုး၊ လက်ရေးလှရေးခိုင်းထားသည့်အချိန်မျိုးတွေမှာ သူ့ စားပွဲမှာထိုင်ရင်း ငေးမောနေတတ် သည်။ ညနေကျောင်းအဆင်းတွေမှာလည်း သင်ဖြူးဖျာခင်းအိပ်ရာပေါ် ငြိမ်ငြိမ်လေးလဲလျောင်းနေတတ် သည်။ အိပ်လို့ ပျော်မပျော်တော့မသိဘူးပေါ့။

ညီမကစကားမစတော့ ညီမငြိမ်ငြိမ်သက်သက်နေတာကို မနှောက်ယှက်လိုသဖြင့် စကားမစဖြစ်ပြန်ပေ။ ထိုရက်တွေအတွင်းမှာ ထိုရက်တွေအတွင်းမှာ ညီမအမြဲလိုအစောကြီးနိုးနေတတ်သည်။ အိပ်ရာနိုးပြီဆိုညီမ ကထမင်းချက်ထားတာကြောင့် ထမင်းချက်ထားတာကြောင့် ထမင်းကျက်နေတာဖြစ်ဖြစ်၊ငှဲ့ ကာနီးဆူပွက် နေတာပဲဖြစ်ဖြစ်ရှိနေပြီ။ ညီမကအိပ်မက်အကြောင်းမ ပြောတော့ပေမယ့် ဆန်နှစ်လုံးချက်ထမင်းကို တစ်ဝက် ခွဲကာ ညနေစာချန်ထားမြဲ၊ ကျန်တစ် ၀က်ကိုတစ်စိတ်ခွဲပြီး ညီတူမျှတူစားမြဲ၊ တပည့်လေးတွေခူးပေးသည့် ကန်စွန်းရွက်ကို အတွင် သာကြော်စားမြဲပင်။
“ညီမရယ်ကြည့်လဲလုပ်ပါဦး၊ မသေထမင်း မသေဟင်းဖြစ်နေပြီ။“
သည်လိုပြောတော့ ညီမက ‘အဟဲ’ ကနဲတချက်ရယ်ကာ “ညီမစားနိုင်ပါတယ် မမမြ၀ါးရုံရဲ့“ ဟုရယ်ကျဲကျဲပြောသည်။
 
ညီမအိပ်မက်အကြောင်းမပြောတာ သုံးရက်မြောက်သည့်နေ့ မှာတော့ မနေနိုင်စွာစကားစမိတော့သည်။
“ဘယ်လိုလဲညီမ၊ အိပ်မက်တွေမမက်တော့ဘူးလား“
ညီမက ‘ မက်ပါတယ် ‘ ဟုခပ်ဆိုင်းဆိုင်းပဲဖြေသည်။နောက်ထပ်စကားဆက်ဖို့ ညီမ မျက်နှာကို သေသေ ချာချာကြည့်မိ၏။ ဟုတ်လောက်ပါရဲ့ ၊ ညီမမျက်နှာတွေချေင်ကျနေသည်။အိပ်မက်ဆိုတာ နှစ်နှစ်ချိုက်ချိုက် အိပ်နေတုင်းမက်တာမှမဟုတ်တာ။ သည်လောက်အိပ်မက် တွေမက်နေမှတော့ ဘယ်မှာနှစ်နှစ်ချိုက်ချိုက် အိပ်လို့ ရတော့မှာလဲ။ စားတော့လည်း ထမင်း ဟင်းဖြစ်ရုံ၊ ညီမနဲ့ တော့ ဒုက္ခပါပဲ။
“ အိပ်မက်အကြောင်းဘာလို့ မပြောတာလဲ ညီမရဲ့ “
“မပြောချင်တော့ပါဘူး မမမြ၀ါးရုံရယ်၊ ပြောစရာ ကြည်နူးစရာပေါ့ပေါ့ပါးပါးအိပ်မက်မျိုး ဆိုရင်တော့ ပြောချင် မှာပေါ့။ အခုတော့…“
ညီမစကားမဆုံးခင်မှာဘဲ ၀ါးကနဲသမ်းသည်။ ညီမအိပ်ရေးပျက်လှပြီ။ ညီမ၏အိပ်မက်ဇာတ်လမ်းတွေကို တစ်ခန်းရပ်မှဖြစ်တော့မည်။ ငွေကြေးကိုမီးကုန်ရမ်းကုန် တိုင်းတာသုံးစွဲနေ သည့်ကြားထဲ အိပ်ရေးပျက်ပြီး ရောဂါဝင်လျှင်ပိုလို့ ဒုက္ခရောက်တော့မည်။ မဖြစ်ပါဘူး….ကြာလျှင်အိပ်မက်တွေအပေါ်စွဲလမ်းပြီး စိတ်ရောဂါ ပါရလာနိုင်သည်။ လိုရမယ်ရဆောင်ထားသောဆေးပုလင်းထဲမှာ ဆေးလုံးကလေးတွေအဆင်သင့် ရှိနေ သည်။ ဆေးလုံးတစ်လုံးကိုထုတ်ပြီးညီမကိုလက်ကမးပေးတော့ ညီမကလက်မလှမ်းပဲ မျက်လုံးဝိုင်းကြောင် တောင်တောင်နှင့်ကြည့်နေသည်။
“ရော့လေ ညီမ“
“ဘာလဲ“
“အိပ်ဆေးတစ်လုံးသောက်ပြီးအိပ်လိုက်၊ ဒါမှနှစ်နှစ်ချိုက်ချိုက်အိပ်ပျော်မှာ။ နှစ်နှစ်ချိုက် ချိုက်အိပ်ပျော်ရင် ညီမရဲ့ တောင်စဉ်ရေမရအိပ်မက်တွေလည်း မက်တော့မှာမဟုတ်ဘူး။ ဒါမှအိပ်ရေးပျက်သက်သာမှာ။“
ညီမ၏လှမ်းလုလုလက်ကတွန့် ကနဲဖြစ်သွား၏။ ပြီးတော့မှစကားမဲ့စွာ ငေးရီရီကြည့် သည်။
 
“ရော့ - ယူလေ“
ညီမကခေါင်းကိုငြင်ငြင်သာသာယမ်းခါ၏။ ဖြည်းဖြည်းချင်းခေါင်းငုံ့ သွားပြီး နှစ် ယောက်သားကြားရရုံလေသံ နှင့်ပြောသည်။
“ပန်းအဖူးလေး ပွင့်လာပြီဆိုတဲ့အိပ်မက် မက်ပြီးတော့မှပဲ ဒီဆေးကိုသောက်မယ်နော် မမမြ၀ါးရုံ“
 
မျက်လုံးတွေဆတ်ကနဲဝိုင်းသွားတာ၊ တစ်စုံတရာအာမေဍိတ်ထွက်ဖို့ မေ့သွားတာ၊လက်ထဲရှိဆေးလုံး ကလေးက ၀ါးခင်းကြမ်းပြင်မှတဆင့် အိမ်အောက်ကရေညိုနောက်နောက် တွေထဲခုန်ဆင်းသွားတာ၊ ဒါတွေအားလုံးကို ညီမသတိထားမိရဲ့ လားတော့မပြောတတ်ပါ။


ထွန်းတိမ်လွှာမဂ္ဂဇင်း
နိုဝင်ဘာလ၊ ၁၉၉၂






Labels: | edit post
0 Responses