1. 2.


ခက်မာ
(ပန်းချီ - သန်းဌေးမောင်)
ဖေဖော်ဝါရီ ၂၇၊ ၂၀၁၀


မွေးနေ့ကျော်စတရက်
အသက်လေးဆယ်အရွယ် ငယ်သူငယ်ချင်းနဲ့
အွန်လိုင်းပေါ်မှာချက်(chat) ဖြစ်တော့
"ငါတို့ရဲ့ဆယ်ကျော်သက်ဘဝတွေက
ပျောက်ဆုံးခဲ့ရတာဟ" တဲ့
သူငယ်ချင်းမက ဗြုန်းစားကြီးပြောတယ်။

ဒါဆို ဆယ်ကျော်သက်လွန်ဘဝတွေကရော ဆိုတော့
"အဟက်- အဟက်-အဟက်"
မြန်မာအသံထွက်ကို အင်္ဂလိပ်လို ရိုက်ပြပြီးမှ
ပျောက်ဆုံးနေရဆဲပါပဲဟာ
ဒါပေမဲ့- လုပ်စရာလဲနည်းနည်းတော့ ရှိပါတယ်တဲ့။

မျက်တောင်ကို မာစာကရာနဲ့ကော့
မိတ်ကပ်ပါးပါး လိမ်း၊ နှုတ်ခမ်းနီရဲရဲဆိုး
သားရေစစ်နဲ့အတူဆုံးလက်ပွေ့အိတ်ကိုလွယ်
ခုံမမြင့်တမြင့်ဖိနပ်နဲ့ရှော့ပင်းမောတစ်ခုခုထဲပတ်ရင်း
ငယ်သူငယ်ချင်းတွေနဲ့ဆုံတဲ့အခါ
မျက်လုံးတချက်စင်း ကြည့်လိုက်ရုံနဲ့
(သူတို့ရဲ့) လက်ငင်းအခြေအနေကို အကဲခပ်နိုင်အောင်
လေ့ကျင့်ရတာကတော့ သိပ်မလွယ်။

သူ့လောက်တော့ ငါ မဝသေးဘူးထင်ပါရဲ့
ငါ့ထက် သူက ပိုချောင်လည်ပုံရတာတော့အမှန်ပဲ
သူ့လည်တိုင်က ပုလဲ အရောင်လဲမညီပါလား
ဘယ်သူမှခန့်အပ်မထားတဲ့
ရာဖြတ်တာဝန်ကိုထမ်းဆောင်ရတာက အလုပ်တခု။

ကားပေါ်ကအဆင်း
ရပ်ကွက်ချင်းကပ်ရက်က အသိနဲ့တိုးပြန်တော့
ဒီနေ့- အဲဒီဖက် မီးလာရက် နော်
အမလေး … မအော်ပါနဲ့ မယ်မင်းကြီးမရယ်
မီးလာချိန်ကို ခြောက်နာရီကျော်သွားလို့
အခု မီးပျက်ရမဲ့အချိန် ပြန်ရောက်သွားပြီဟဲ့ … တဲ့
လျပ်စစ်မီးကိုစာဖွဲ့ရတဲ့ အဲဒီအချိန်မျိုးမှာလည်း
မေတ္တာပို့ တပုဒ်လောက်တော့ ရွတ်ဖြစ်တာပဲလေ။

ညနေ နှစ်နာရီကျော်ကျော် ဆိုရင်တော့
ဧည့်ခန်းက တယ်လီဖုန်းစင်ဆီ အရောက်သွားရသတဲ့
အိမ်မက်အတွက်က ဟိုဖက်ဒိုင် …
နမိတ်ကောက်လို့ရတာက အလယ်ဒိုင် …
ဘုန်းကြီးဂဏန်းက ဒီဖက်ဒိုင် …
အိမ်ရှေ့အုန်းပင်ပေါ်ကို အမဲရောင်ငှက် လာနားတဲ့အတွက်က …

ဟာ- လိုင်းကျသွားပြန်ပြီ …
သူ့ဒိုင်တွေနံမည်တောင် မစုံသေး
ဂျီမေးစာရင်းက မီးလေး နီလိုက် စိမ်းလိုက် ပျောက်သွားလိုက်

ဆယ်မိနစ်လောက်ကြာတော့ ပြန်လင်းလာ
မနက်ဖန်ခါ လကုန်ရက်
FEC နဲ့လစာထွက်တဲ့စက်ရုံတွေဆီသွား
မြန်မာငွေသားနဲ့လဲရတာ အကိုက်သားဟ
အိုး …  စာသားတောင် မဆုံးသေး
မီးကလေးမှိတ်သွားပြန်ပြီ။

ကျမက မြန်မာပြည်ထဲကသူငယ်ချင်းနဲ့
ဂျီမေးထဲချက်ကြတာဆိုတော့
မီးလေးကလဲ နီလိုက် စိမ်းလိုက် ပျောက်သွားလိုက်နဲ့ကြားထဲ
သူလဲမကျွမ်းကျင်တဲ့ အင်္ဂလိပ်စာကို
ဘာသာပြန်စဉ်းစားရတဲ့ ကျမကလဲ မတောက်တခေါက်ဆိုတော့
သူဆိုလိုချင်တာတွေ လွဲချင် လွဲမှာပဲ။

ဒါပေမဲ့ …
ဆယ်ကျော်သက်ဘဝ ပျောက်ဆုံးခဲ့ရတာ …
ပျောက်ဆုံးနေဆဲ …
အိမ်မက် …
ဘုန်းကြီး …
အုံးပင်ပေါ်ကအမဲရောင်ငှက် …
အစိမ်းရောင်အရွက်နဲ့ မြန်မာငွေသား …
အဲဒီစကားလုံးတွေကိုတော့
ဘာသာပြန်မမှားဘူး ထင်တာပါပဲ။                   ။

(Feb 24, 2010)
 
Labels: | edit post
Reactions: 
0 Responses