1. 2.
                                                                                        ဓါတ်ပုံကို အင်တာနက်ကယူပါသည်။

အဲဒီ့နေ့က နှင်းမုန်တိုင်းလည်းမကျပါဘူး။ ရေခဲမိုးလည်း မရွာပါဘူး။ ဒါပေမယ့် ဘာကြောင့်မှန်းမသိ ဆန်ဖရန် စစ်စကိုကပစ်စ်ဘတ်ကိုသွားမယ့်လေယာဉ်ကတစ်နာရီနောက်ကျမယ်တဲ့။ ကျမနည်းနည်းတော့ စိတ်ညစ်သွား တယ်။ ပုံမှန်အတိုင်းတောင်လေယာဉ်ကပစဘတ်ကိုည၁၀နာရီခွဲမှဝင်မှာ။ အဲဒီအချိန်ဆိုရင် တော့ taxi ဖြစ်ဖြစ် Shuttle Bus ဖြစ်ဖြစ်စီးသွားလို့ရသေးတယ်။ ရသေးတယ်ဆိုတာစီးရဲသေးတာကို ပြောတာပါ။ ကျမတို့မှာကား မရှိဘူးလေ။ ခုအတိုင်းဆိုရင်တော့လေယာဉ်ကအနည်းဆုံး ၁၁နာရီခွဲလောက် မှဝင်မယ်။ baggageထုတ်မှာနဲ့ဆို ၁၂နာရီ။ သက်ပြင်းလည်းမချချင်တော့ပါဘူး။ ကျမဘ၀မှာ ဒီလိုအခက် အခဲဆိုတာကရိုးနေပြီလေ။
             San Francisco Asian Art Museumမှာကျင်းပနေတဲ့ ထိုင်း-မြန်မာအနုပညာပြပွဲမှာ မြန်မာစာရေး ဆရာတယောက်ရဲ့ Reading ထည့်ချင်တယ်ဆိုပြီး Museum ကဖိတ်လို့ကျမလာခဲ့တာပါ။ Reading မှာ‘NightFlow”(ညရေစီး)ဆိုတဲ့ကျမရဲ့ဝတ္ထုတိုတစ်ပုဒ်ဖတ်ခဲ့တယ်။ ကျမရဲ့မိတ်ဆွေဦးအောင် အောင်တိတ်အင်္ဂလိပ်လိုဘာသာပြန်ပေးပြီး သူငယ်ချင်းနယူးဇီလန်စာရေးဆရာမ Penelope Toddတည်း ဖြတ်ပေးခဲ့တာပါ။ကျမရဲ့ကိုရီးယားသူငယ်ချင်းရာဟီဒေါက်(RaHeeDuk) ပြောခဲ့တဲ့စကားလေးကိုသဘော ကျပြီးစိတ်ကူးရသွားတဲ့ ၀တ္ထုလေးတပုဒ်ပေါ့။
        ကျမ၂၀၀၇ခုနှစ် International Writingr Pogramအတွက်အိုင်အိုဝါးစီးတီးမှာ တခြားတိုင်း ပြည်က စာရေးဆရာအယောက်၄၀နီးပါးနဲ့ နေရစဉ်တုန်းကပေါ့။ကျမတို့နေရတဲ့ဟိုတယ်လ်ဘေးအိုင်အိုဝါမြစ် ကမ်းမှာညတိုင်းနီးပါးကျမတို့လမ်းလျှောက်ဖြစ်ကြတယ်။ သိမ်သိမ်မွေ့မွေ့စီးဆင်းနေတဲ့ အိုင်အိုဝါမြစ်ရေကို ကြည့်ရင်းရာဟီဒေါက်ပြောခဲ့တာ။ညဘက်မှာစီးတဲ့မြစ်ရေဟာသိပ်စိတ်ဝင်စရာကောင်းသတဲ့လေ။ အပေါ်ယံ မှာတည်ငြိမ်လှပသလောက် မြစ်အောက်ခြေမှာရုန်းကန်မှုများနေသတဲ့။ အပေါ်ယံမျက်နှာကျောမာလှသလို့ လူတော်တော်များများသတ်မှတ်ခံရတဲ့ ကျမရင်ထဲက၀ဲကတော့တွေအကြောင်းစောကြောမိတဲ့ကျမက ကိုယ့် ကိုကိုယ်ညရေစီး နဲ့နှိုင်းပြီးအဲဒီဝတ္ထုလေးရေးခဲ့မိတာ။
           အဲ့ဒီခရီးစဉ်မှာပဲ“နှင်းနတ်သား”ဆိုတဲ့ဝတ္ထုတိုလေးတပုဒ်ရေးမိခဲ့သေးတယ်။လေယာဉ်ကွင်းမှာဆုံတွေ့ခဲ့တဲ့ သဘောဖြူလူငယ်လေးတယောက်အကြောင်းရေးခဲ့တဲ့ဝတ္ထုလေးကိုလေယာဉ်အကြာကြီးစောင့်ရင်းသတိ ရနေမိသေးရဲ့။အဲဒီတုန်းကတော့ရေခဲမိုးနဲ့နှင်းမုန်တိုင်းထဲမှာ။ဒီကနေ့ကတော့ဘာလို့လေယာဉ်နောက်ကျမှန်း မသိပေမယ့်ရာသီဥတုကမဆိုးလှပါဘူး။နေ့လည်၂နာရီခွဲထွက်ရမယ့်လေယာဉ်ကညနေ၃နာရီခွဲကျော်ကျော်မှ
ထွက်တော့ ပစ္စဘတ်ကိုည၁၁နာရီခွဲကျော်မှရောက်တယ်။ (TimeZone ကလည်း ၃နာရီခြားသေးတာကိုး)
“နှင်းနတ်သား" ၀တ္ထုတိုထဲကအတိုင်း ကျမကဆက်တိုက်ကံဆိုးတတ်လေတော့ Baggageတွေကတော် တော်နဲ့ထွက်မလာဘူး။နာရီဝက်လောက်စောင့်ပြီးမှကိုယ့်အိတ်ကိုယ်ထုတ်နိုင်တော့တယ်။ ဒီတော့ချက်ချင်းပဲ Shuttle bus စီးရမယ့်ကောင်တာကိုပြေးရတော့တာပေါ့။ 
          ဒီမှာလည်းကံဆိုးပြန်ပြီ။Shuttlebus ကောင်တာမှာလူမရှိဘူး။လက်မှတ်ကိုစက်နဲ့ဝယ်ချင်ဝယ်။မ၀ယ်ချင်
ရင် သူတို့ပေးထားတဲ့ဖုန်းနံပါတ်ကိုဖုန်းခေါ်ပါတဲ့။ ဒါနဲ့ ကျမလည်းဖုန်းခေါ်လိုက်တယ်။ ပထမဆုံးကြားရတာ 
အော်တိုဖုန်းဖြေတဲ့စက်။တစ်ဖက်ကဖုန်းဖြေမယ့်သူavailableဖြစ်သည်ထိကိုင်ထားပါတဲ့။ကျမဖုန်းကိုင်ထားရင်း လယာဉ်ကွင်းထဲကိုမျက်လုံးဝေ့ကြည့်မိတယ်။လေယာဉ်ကွင်းထဲမှာဝန်ထမ်းတွေအပါအ၀င်လူလေးငါးယောက်လောက်ပဲတွေ့ရတော့တယ်။ ဖုန်းထဲကလည်း ဒေါင်ဒေါင်ဒင်ဒင်တီးလုံးတွေပဲကြားနေရတုန်း။ ကျမနည်းနည်တော့စိတ်ပူပြီ။ အဲ့ဒီအချိန်မှာ ကျမနောက်ကခြေသံတဒေါက်ဒေါက်ကြားလိုက်ရတာ။ လှည့်ကြည့်လိုက်တော့လောင်းကုတ်ရှည်ဝတ်ထားတဲ့ လူငယ်လေးတယောက် Shuttle Bus လက်မှတ်ဝယ်တဲ့စက်ဆီတန်းသွားနေတယ်။သူဟိုနှိပ်ဒီနှိပ်နဲ့စက်ထဲ ကလက်မှတ်ဖြတ်ပိုင်းလေးထွက်လာတာမြင်လိုက်တော့ကျမဖုန်းပိတ်လိုက်ပြီး သူ့နားကိုလျှောက်သွားလိုက် တယ်။
            “ကျမကိုလက်မှတ်ဘယ်လိုဝယ်ရမလဲပြပေးပါလား”
            “sure”
             သူကကျမမျက်နှာကိုဖြတ်ကနဲတချက်ပဲကြည့်ပြီးလက်မှတ်ဝယ်တဲ့စက်ကိုဟိုနှိပ်ဒီနှိပ်နှိပ်ပြန်တယ်။ပြီးတော့ ကျမနာမည်နဲ့လိပ်စာမေးတယ်။ ပြီးစက်ထဲရိုက်ထည့်တယ်။ ခဏချင်းမှာပဲလက်မှတ်နဲ့ပြေစာဖြတ်ပိုင်းလေး လျှောကနဲထွက်လာတယ်။သူ့ကိုကျေးဇူးတင်ကြောင်းပြောပြီးကျမတို့၂ယောက် လေယာဉ်ကွင်းအပြင်ဖက်က shuttle busဂိတ်ကိုထွက်ခဲ့ကြ တယ်။လေယာဉ်ကွင်းအပြင်ဖက်က စိမ့်နေအောင်အေးတဲ့လေကကျမတို့ ကိုနှုတ်ဆက်တယ်။ ရာသီဥတုက ကြည်လင်သာယာနေပေမယ့် အေးချက်ကတော့ရက်ရက်စက်စက်ပါပဲ။
          “မင်းဘယ်ကလာတာလဲ”
          သူကသူ့ဂျာကင်ကော်လာကိုမေးစေ့ရောက်အောင်ထောင်လိုက်ပြီးမေးတယ်။ သူ့လက်ထဲမှာ ပလတ်စတစ်နဲ့ပတ်ကာထားပြီးအကျီင်္ချိတ်တန်းလန်းနဲ့ဝတ်စုံတစုံကိုလည်းကိုင်ထားသေးတယ်။
          “ကျမဆန်ဖရန်စစ်စကိုကလာတာ”
         “မဟုတ်ဘူးလေ။ မင်းရဲ့ဇာတိတိုင်းပြည်ကိုမေးတာ”
          အမေရိကန်ရုပ်မပေါက်တဲ့ ကျမကိုသူစပ်စုတာပါ။
       တကယ်တော့သူလည်းအမေရိကန်စစ်စစ်ရုပ်တော့မဟုတ်ဘူး။ အသားကအတော်ကလေးဖြူပေမယ့် 
 ဆံပင်နဲ့မျက်လုံးတွေကအနက်ရောင်။ အရပ်ကတော်တော်ကလေးရှည်တယ်။
          “သြော်..ကျမကမြန်မာပြည်ကပါ”
          “ကျနော့်အဖိုးက အိန္ဒိယကလေ”
     လာပြန်ပြီ။ အိန္ဒိယနွယ်ဖွား။ ၂၀၀၇ခုနှစ်တုန်းကရေခဲမိုးတွေ၊နှင်းမုန်တိုင်းတွေကြားကျမနဲ့အတူတညလုံး လေယာဉ်ကွင်းမှာထိုင်စောင့်ပြီးဖွေးဖွေးလှုပ်နေတဲ့နှင်းတွေကြားထဲကနေ ကျမကိုဟိုတယ်အရောက်လိုက်ပို့ 
ပေးခဲ့တာလဲ အိန္ဒိယသားပဲ။ အဲ့ဒိအိန္ဒိယသားကိုတော့ စိတ်ညစ်ညူးဖွယ်ရာနှင်းမုန်တိုင်းကြားမှာမထင်မှတ်နိုင် အောင်ကျမကိုစိတ်ရှည်လက်ရှည်ကူညီခဲ့တာမို့  “နှင်းနတ်သား”လို့တင်စားခဲ့တယ်။
          “ကျနော်က ချီကာဂိုကပါ။ ပစ္စဘတ်မှာ ဆေးကျောင်းတက်ဖို့ ၀င်ခွင့်အင်တာဗျူးလာဖြေတာ။” 
           သူကကျမကို ကျောင်းတက်နေတာလားမေးတယ်။
          “ကျမကဒီမှာ Writing Program နဲ့နေတာပါ။ Residency Writing Programပေါ့”
           ကျမအဖြေကိုသူကမျက်ခုံးပင့်တုန့်ပြန်တယ်။
           “Residency Writing Program ဆိုတာဘာလဲ။ ဆောရီးပဲ။ ကျနော်သိပ်နားမလည်လို့ပါ”
           စာပေနဲ့စာရေးဆရာလောကနဲ့ဝေးတဲ့ ဆရာဝန်လောင်းလေးကိုကျမရယ်မောရင်းကြည့်မိတယ်။ ပြီးတော့ကျမကစာရေးဆရာဖြစ်ကြောင်းနဲ့ စာရေးဆရာတွေအတွက် Writing Program တွေအကြောင်း ရှင်းပြမိတယ်။သူကတအံ့တသြနဲ့really?တွေတလှေကြီးနဲ့တုန့်ပြန်လို့လေ။လေယာဉ်ကွင်းကိုဖြတ်တိုက်လာ တဲ့လေက အကာအကွယ်လွတ်နေတဲ့ကျမတို့မျက်နှာတွေကိုမညှာမတာတိုး ဝှေ့နေတယ်။    
           “သိပ်အေးတာပဲ။အထဲဝင်နေပါလား။ကားလာရင်မြင်ရမှာပဲ”
   သိပ်ချမ်းပေမယ့်ကျမအထဲမ၀င်ဖြစ်ပါဘူး။ ကားစောင့်နေတဲ့သူက၂ယောက်ထဲပေမယ့်ကားရောက်လာခဲ့ ရင်ကားနားအမြန်ဆုံးရောက်ချင်စိတ်နဲ့ Shuttle  Bus ဆိုတဲ့ဆိုင်းဘုတ်အောက်မှာပဲ ပရပ်နေမိတယ်။ သူ 
ပြောတာနဲ့လေဆိပ်အဆောက်အအုံထဲလှမ်းကြည့်လိုက်တော့လူတယောက်မှမမြင်ရတော့ဘူး။ အဲဒီလောက် ကြီးမားတဲ့အဆောက်အဦးနဲ့ကွင်းပြင်ကြီးထဲမှာသက်ရှိလူသားဆိုလို့သူနဲ့ကျမ၂ယောက်ထဲရယ်။ခပ်လှမ်းလှမ်း  မှာတော့ yellowcab taxi သုံးစီးတန်းစီရပ်ထားတယ်။ အထဲမှာဒရိုင်ဘာတွေတော့ရှိမှာပဲ။ သူတို့အေးလွန်းလို့ အပြင်မထွက်ကြတာနေမှာ။
          “ကျနော်တို့ကားစောင့်နေတာ၁နာရီနီးပါးရှိပြီ။ ကျနော်shuttlebus company ကိုဖုန်းဆက် လိုက်ဦးမယ်”
            သူကကားလက်မှတ်ပေါ်မှာပါတဲ့နံပါတ်ကိုဖုန်းလှမ်ခေါ်ပြီးလေကွယ်တဲ့ဝင်ပေါက်နားမှာစကား သွားပြောတယ်။ သူစကားပြောတာဆယ်မိနစ်လောက်တော့ကြာမယ်ထင်တယ်။ နံပါတ်တစ်ခုရေးမှတ်ထား တဲ့စာရွက်ကလေးကိုင်ပြီး ကျမနားပြန်ရောက်လာတယ်။
          “ကျနော်တို့အစောကြီးထဲကဖုန်းဆက်သင့်တာ။စကားပြောနေကြတာနဲ့ ဖုန်းဆက်ဖို့မေ့သွားတယ်။ Shuttle က၁၁နာရီခွဲနောက်ဆုံးတဲ့။ မနက်၃နာရီကျမှ နောက်တကျော့ပြန်စမတဲ့”
        ကျမဒီတခါတော့ တော်တော်စိတ်ညစ်သွားတာ။ နာရီကြည့်လိုက်တော့ ည၂နာရီထိုးခါနီးပြီ။ မနက်၃နာရီထိစောင့်ရဦးမှာလား။ဗိုက်ကလဲဆာလှပြီ။ ချမ်းကလဲချမ်းလှပြီ။ စိတ်ပျက်လက်ပျက်နဲ့ခရီးဆောင် အိတ်ပေါ်ထိုင်ချတော့မှ သူကရေးမှတ်ထားတဲ့စာရွက်ကလေးကျမရှေ့ထိုးပြရင်းပြောတယ်။
          “သူတို့ကဒီလိုလုပ်ဖို့ပြောတယ်။ တွေ့တဲ့ Yellow Cab ဒရိုင်ဘာကိုကျနော်တို့ရဲ့လက်မှတ်တွေပြ။ ဒီကုတ် နံပါတ်ပေးပြီး ဖုန်းဆက်ခိုင်းပါတဲ့။သူတို့ပို့ပေးပါလိမ့်မယ်တဲ့”
          ကျမ ဆတ်ကနဲထရပ်လိုက်တယ်။
          “ဒါဆိုသွားကြစို့လေ”
          ကျမတို့အနီးဆုံးYellowCabဆီထွက်ခဲ့ကြတယ်။သူနဲ့လူမည်းဒရိုင်ဘာတို့အပြန်အလှန်ပြောကြ ပြီးမှ သူကကျမဖက်လှည့်ပြောတယ်။
         “ခင်ဗျားနဲ့ကျနော်အတူတူသွားမလား။ ကိုယ့်ဖာသာတစီးသပ်သပ်သွားချင်လား။ ခင်ဗျားဆန္ဒရှိသလို လုပ်လို့ရတယ်”
         ကျမကမန်းကတန်းတုန့်ပြန်လိုက်တယ်။ည၁နာရီကြီး လူမည်းဒရိုင်ဘာနဲ့ကျမနှစ်ယောက်ထဲမသွားရဲ ဘူးလေ။
         “တူတူသွားကြတာပေါ့”
         “အိုကေ”
          ဒရိုင်ဘာကသူပေးတဲ့နံပါတ်နဲ့ဖုန်းဆက်နေတာအတော်ကြာသေးတယ်။ ပြီးတော့ Navigator ထဲမှာကျမတို့လ်ိပ်စာတွေထည့်တယ်။ ဆရာဝန်လောင်းလေးက မြို့ထဲကဟိုတယ်တခုမှာတည်းမှာဆိုတော့ ကျမကိုနောက်မှပို့မှာပဲ။ ကောင်လေးဆင်းသွားရင်ကျမတို့  ၂ယောက်ထဲဆိုတော့ကျောကနည်းနည်းစိမ့်လာ ပြန်တယ်။ ကောင်လေးနဲ့ဒရိုင်ဘာက ပစ္စဘတ်နာမယ်ကျော် FootballChampion "Steeler"အသင်း အကြောင်းပြောနေကြတယ်။ကျမကလောလောဆယ်နှင်းကျမနေပေမယ့် အရင်ရက်ကကျထားတဲ့နှင်းတွေ အရည်မပျော်သေးတာမို့ဖြူဖွေးနေတဲ့မြင်ကွင်းကိုငေးမောကြည့်လိုက်လာရင်းကျမရဲ့နှင်းနတ်သားကို သတိ ရမိသေးတယ်။ ၂၀၀၇ခုနှစ်ဒီဇင်ဘာလရဲ့နှင်းမုန်တိုင်းထဲမှာ ကျမကိုကူညီကယ်တင်ခဲ့တဲ့ နှင်းနတ်သားလေး တစ်ယောက်ကိုတွေ့ခဲ့တယ်။အခု၂၀၀၉ရဲ့ဒီဇင်ဘာမှာတော့နှင်းတွေကျမနေပေမယ့် လူသူတယောက်တလေ မှမရှိတော့တဲ့လေယာဉ်ကွင်းကြီးထဲမှာကျောချမ်းစရာညလည်ခေါင်ကြီးမှာကျမကိုအဖော်ပြုကယ်တင်ပေး တဲ့ နတ်သားလေးတစ်ပါးကိုတွေ့နေရပြန်ပြီ။
        Cab လေးက Allegheny မြစ်ကိုဖြတ်ဆောက်ထားတဲ့တံတားပေါ်ဦးတည်လိုက်တော့သူတို့ ကျမ ကိုအရင်ပို့ တော့မယ်လို့သိလိုက်တယ်။ကောင်လေးသွားရမယ့်ဟိုတယ်က အဲ့ဒီမြစ်ကိုဖြတ်စရာမလိုဘူးလေ။ ကျမစိတ်ထဲကစိုးရိမ်စိတ်တွေ၊ဆန္ဒတွေကို သူတို့သိနေကြသလိုပဲ။
          “မြို့ကလှလိုက်တာ”
          အသံထွက်ရေရွတ်လိုက်တဲ့ကောင်လေးကိုကြည့်ရင်းကျမစဉ်းစားမိတယ်။ တကယ်ပဲဒီကောင်လေး ဟာကျမတစ်ယောက်ထဲလေယာဉ်ကွင်းမှာ ကြောက်ကြောက်လန့်လန့်ကြောင်တိကြောင်တောင်ဖြစ်နေတုန်း အဖော်တစ်ယောက်လောက်ရှိရင်တော့ကောင်းမှာပဲလို့စိတ်ထဲက ကြိတ်ဆုတောင်းနေတုန်း ခြေသံတဒေါက် ဒေါက်နဲ့ရောက်လာခဲ့တယ်။ ပြီးတော့သူသာရှိမနေရင်ကျမဘုမသိဘမသိနဲ့မနက်၃နာရီထိစောင့်ရမှာ။ အဲဒါ ကို သိနေတဲ့အလား သူက Shuttle Bus  Companyကိုဖုန်းလှမ်းဆက်တယ်။ ပြီးတော့ Yellow Cab သမားနဲ့ညှိပေး တယ်။ ကျမဘာသာဆိုဘယ်လိုပြောရမှန်းမသိသလိုပြောရဲမှာလည်းမဟုတ်။ ခုလည်းကြည့်။ သူဆင်းသွားရင်လို့တွေးပြီးစိတ်ပူနေတာကိုသိနေသလိုပဲ။ကျမကိုအရင်ပို့ပေးဖို့ဒရိုင်ဘာကိုသူပြောလိုက်တာ။
                သူဟာ၂၀၀၇တုန်းက ကျမတွေ့ခဲ့တဲ့နတ်သားလေးပဲ ကျမကိုကူညီဖို့ရုပ်ပြောင်းပြီးရောက် လာခဲ့တာလားလို့ ကလေးကလားတွေးမိသေးတယ်။ အင်မတန်ဘေးကျပ်နံကျပ်အကူအညီလိုအပ်နေချိန်မှာ ရောက်လာကြတာကိုး။ ပြီးတော့"ဟိုတုန်းကနတ်သားလေးကို ကျမနာမည်လေးတောင်မမေးမိလိုက်ဘူး။ ဒီကောင်လေးကိုတော့နာမည်မေးလိုက်မှပါလို့တွေးပြီးပါးစပ်ဟလိုက်တုန်းကောင်လေးဖုန်းကမြည်လာတယ်။ သူဖုန်းပြောပြီးမှနာမည်မေးမယ်လို့စောင့်နေတုန်းကားလေးကကျမအိမ်ရှေ့ရောက်လာတော့တယ်။ ကျမကား ပေါ်ကဆင်း၊ အထုတ်အပိုးတွေချပြီးကားလေးထွက်ဖို့ပြင်တော့မှ ကောင်လေးကဖုန်းကိုပိတ်လိုက်တယ်။ ကျမအိမ်လှေခါးပေါ်တက်ဖို့ပြင်နေတုန်းမှာပဲ သူထိုင်နေတဲ့နောက်ခန်းတံခါးလေးလျှောကနဲပွင့်သွားတယ်။
သူကပြုံးရင်းလှမ်းအော်ပြောတယ်။
          “အိပ်မက်လှလှမက်ပါစေ”
         ကားကလေးဝေါကနဲထွက်သွားပြီ။ဒီတစ်ခါလဲ နတ်သားလေးရဲ့နာမည်ကိုကျမမသိလိုက်ရပြန်ဘူး။
Labels: | edit post
0 Responses